Sekusele iminyaka edlula kancane emibili ukuthi kwenziwe imidlalo yeWorld Cup kwele South Africa.
Amazwe awezwekazi leAfrica, ikakhulu akhelane leSouth Africa akhangelelwe ukuthola inzuzo yemali yakwamanye amazwe. Kodwa abalolwazi lokwenzakalayo bathi iZimbabwe ilakho ukukhuthwa lixetsha leli ngenxa yezizatho ezinengi ezibangelwa yikonakala komnotho welizwe lokunye okunjalo.
Kodwa uMninibhizimusi njalo engumlandeli wenguqu, uOmega Sibanda, utshele uChris Gande weStudio 7 ukuthi abantu abavela kwamanye amazwe bazazibonela ngawabo amehlo ukuthi umumo elizweni kawumubi njengalokho okwethulwa zinthathelizindaba zakwamanye amazwe.