Sekubuye kwaba lezinye izizalwane zeZimbabwe ezilitshumi lanhlanu eziphunyuke ekufeni ngentunja yenalithi ngemva kokugenquka kwekombi ebisuka koBulawayo ilubhekise Egoli, kulandela enye ingozi elezizalwane zeZimbabwe ezinhlanu ezitshele ekombini.
AmaZimbabwe alitshumi lanhlanu agudlane lokufa ngesikhathi ikombi ebisuka koBulawayo ilubhekise eJohannesburg ilala ngogedla ePietersberg ngomgqibelo ekuseni.
Lobanje inengi labebegade lowo mtshova belokhu bengakukholwa ukuthi basinde kanjani, owesifazane losane lwakhe babikwa bebangwa lezibi ngemva kokulimala kakhulukazi kuleyo ngozi.
UBenedict Nhlapho usipha loludaba eseJohannesburg kwele South Africa.