Amapholisa akumaroadblocks emgwaqweni osuka eBeitbridge usiya koBulawayo abikwa esezivulele umgodi wemali, ebangisana ukumisa imota eziphuma kwele South Africa efuna ukuphiwa imali yesifumbathiso engamaRandi hatshi amadollar aweZimbabwe.
Abatshayeli bemitshova lezimota ezithwala impahla phakathi kweBeitbridge lakoBulawayo bathi amapholisa ayizingela ngelihlo elibomvu imali yesifumbathiso kuwo wonke amaroadblocks aphakathi kwalu mango.
Lobanje inengi labatshayeli laba balile ukuvezwa amagama ngoba besesaba ukudliswa imbuya ngoluthi kumaroadblocks lawa, bathi kuba yisipunepune umtshado wendwangu nxa kuthutsha imota zabo, amapholisa ebangisana ukufika kuzo.
UBenedict Nhlapho usipha loludaba eseBeitbridge ezansi yesabelo seMandebeleni.