Uhlangothi olubona ngokulondolozwa kwenyamazana zendle olwe National Parks and Wildlife Management Authority luthi solusungule inhlelo ezithize zokulwisana lokuzingelwa kwenyamazana okungekho emthethweni endaweni ezigcinilwa lezi nyamazana ezigoqela iHwange.
Lolu hlangothi luthi ukuzingelwa kwenyamazana lokhu kukhanya sokubhahile kulezinsuku.
Ekhuluma lentathelizindaba eMatopo ngempelaviki umqondisi walolu hlangothi uMnu Morris Mutsambiwa uthe ukuzingelwa kwenyamazana ikakhulu endaweni lapho ezigcinwa khona kuma National Parks ludubo oluqhelayo njalo olumele luthathelwe amanyathelo ngokuphangisa.
UMutsambiwa uthi sebethethe amanyathelo athize ajonge ukwenqabela lokhu.
Uthi elinye lamanyathela asebewathethe yikusebenzelana ndawonye lamalunga ebutho lakuleli ekufundiseni izisebenzi zabo ezikhangela inyamazana, kumbe ama game rangers ukuthi adinga njani abazingela phandle komthetho laba.
UBabongile Dlamini usipha loludaba