amalinks wokungena

Breaking News

Kubaleka ababalisi abanengi ezikholo zemaphandleni


Izikholo zemaphandleni yizo esezihlaselwe ukwedlula ezinye indawo zelizwe, luhlupho lokubalekelwa ngababalisi ngobunengi, ngenxa yeholo eliphansi uhulumende abapha lona njalo ekhanya engazihluphi ngitsho lakancane ukuzama ukulungisisa izikhalazo lendingekho zababalisi.

Lokhu ngokunye osokuphazamise imfundo yeZimbabwe njalo yehlisa lesithunzi sayo, yona ekade ibukwa emhlabeni jikelele.

Ababalisi bengezelelwe iholo linyanga kodwa bathi limali ilokhu iphansi kulale akade beyikhangelele. Inhlanganiso zababalisi ezigoqela iZimbabwe Teachers Association le Progressive Teachers Union of Zimbabwe sezilungiselela ukuqoqa amalunga azo ukuthi akhalale umsebenzi.

UMnu George Mhletshwa ongumphathi kwesinye isikolo semaphandleni aseTtsholotsho uthi i-term yonale ivulwa ababalisi abalitshumi lasithupha kabazanga emsebenzini njalo sikhulumanje usesele lababalisi ababili esikolo sakhe.

Intathelizindaba yethu uMasautso Banda isethulela loludaba

Ezinye indaba ngesiNdebele...

XS
SM
MD
LG