amalinks wokungena

Breaking News

Umgciningcebo welinye lamacele eMDC uxwayisa inhloli zikahulumende ezilandelela amalunga ebandla lakhe kwele South Africa


Umgcinigcebo webandla leMDC elikhokhelwa nguMnumnzana Tsvangirai ophephela kwele South Africa uMnumnzana Roy Bennet, usexwayise inhloli zikahulumende weZimbabwe ezilandelela amalunga ebandla lakhe aseSouth Africa, ukuthi ziwucine lowo mkhuba ngoba uzulu uzacina ezibonisa okwabonwa yingidi mhlazana iqala ukuthwala ilahle.

UMnumzana Bennet utsho lamazwi kumalunga ebandla lakhe edlula amakhulu amabili emhlanganweni oqhutshelwe elokitshini leSoweto eJohannesburg ngempelaviki. Ngemva kokukhonona kwamalunga eMDC ukuthi ahlelwi ezithendeni zinhloli zikahulumende weZimbabwe, uBennet uthe selidumela emansumpeni kulabo abasetshenziswa ngumbuso kaRobert Mugabe, ngakho bengakhali ngomuntu nxa sebevuna abakulimileyo.

UBenedict Nhlapho usipha loludaba eseJohannesburg kwele South Africa.

Ezinye indaba ngesiNdebele...

XS
SM
MD
LG