amalinks wokungena

Breaking News

Abalandeli beBosso bathi lonyaka akula qembu nxa lizadlala njengalokho elikwenze ngeNsonto


Abalandeli beqembu lenguqu ele Highlanders basele bengakholwa ngabakubone izolo enkundleni ye Barbourfields koBulawayo lapho i Bosso inqobe ngomklomelo owodwa kuphela bona bekade bekhangelele ukuba Amahlolanyama azatshaya kuze kuthophele kuqembu le Pamplemousse lase Mauritius.

Inengi lisuke linxapha ngemva kokubukela umdlalo wayizolo njengoba inengi labalandeli bomdlalo wenguqu belikhangelele ukuba i qembu le Highlanders lizazithaphuzela kungoba ele Mauritius lapho okuvela khona iqembu le Pamplemousse lingeladumo lokudlala umdlalo kanobhutshuzwayo.

Kodwa kuthe ngemva kwemizuzo engamatshumi ethoba munwe munye abalandeli beqembu lasekhaya bazwakale bevumelana ukuba lonyaka akula Bosso ngemva kokuba leliqembu lenelise ukuhlohla umklomelo owodwa kuphela okuyinto engenza kube lula ukuba iPamplemousse ifike kubo iguqule izinto ngemva kwamaviki amabili lapho okuzaba khona lehlandla lesibili lalumdlalo.

Intathelizindaba yethu yezemidlalo u Joseph Njanji usipha loludaba ndawonye lezinye.

Ezinye Indaba ngesiNdebele...

XS
SM
MD
LG