Inhlanganiso emela ababalisi eye Progressive Teachers Union of Zimbabwe, PTUZ ithi ilakho ezakwenza nxa uhulumende engayekela ukulalela izikhalazo zababalisi, abalakho ukuqala ukukhalala umsebenzi kusasa.
I PTUZ ithi ezinye izikhalazo zababalisi zigoqela ukwengezelelwa iholo esigabeni sakuqala salonyaka lifike kunkulungwane ezingamakhulu amane zamadollar, $400 000,00, abantwababo bangabhadaliswa ama school fees, ababalisi batholiswe lula imithi yama Antiretrovirals kungelambadalo, lezinye.
U Mmnumzana Brightmore Busani Mbanjwa obona ngobudlelwano lenhlanganiso zababalisi zakwamanye amazwe, ku PTUZ, utshele u Brenda Moyo we Studio 7 ukuthi balendlela ezinengi ezizakwenza uhulumende abalalele.