Inengi lababalisi liqalisile ukutshengisela ngokusebenza kancinyane-nje, bengajahanga okuthiwa yi ‘go slow’ ngesingisi.
Inhlanganiso ye Progressive Teachers Union of Zimbabwe, iPTUZ, eyiyo eqoqe lokhu kutshengisela ithi lokhu abakwenzayo kuqhubeka kuhle ikakhulu ko Bulawayo loba nje kwezinye indawo, kulabanye abazama ukuphambanisa lokhu kutshengisela.
Ababalisi bathi bafuna iholo elingange nkulungwane ezingamakhulu amane zamadollar $400 000, phezu kwemali yezinye indleko ezitshiyeneyo.
Obona ngobudlelwano lenhlanganiso zababalisi zakwamanye amazwe, ku PTUZ, uMnumzana Brightmore Busani Mbanjwa, utshele uSithandekile Mhlanga owe Studio 7 ukuthi inengi lababalisi selifuna ukuthi lihle litshengisele uqobo hatshi okwe ‘go slow’.
U Sithandekile Mhlanga we Studio7 uphinde waxoxa njalo lomunye umbalisi, uMnumzana Vusumuzi Mahlangu, omtshele ukuthi lamuhla ubesekela ukutshengisela okukhona, njalo uzaqhubeka ekusekela ngoba imali ayiholayo ingenelisi ukuphilisa imuli yakhe.