Inhlanganiso yezisebenzi eye Zimbabwe Congress of Trade Unions, i ZCTU ithi yona ayilandaba kangako lodaba lwemali, iMonitory Policy Review Statement olwethulwe ngusibalukhulu webhanga elikhulu lelizwe, i Reserve izolo, uMnumzana Gedion Gono ngoba uhlupho oluselizweni alubangelwa luhlelo lolu, kodwa yikubusa kuka Mongameli Robert Mugabe okungakhwabithekiyo.
Unobhala jikelele walinhlanganiso, uMnumzana Wellington Chibhebhe utshele uSithandekile Mhlanga weStudio 7 ukuthi eyakhe inhlanganiso izakhuthaza uhulumende ukuthi alungise iholo lezisebenzi, engekela lokhu, itshengisele ngenyanga ezayo.