AbeZimbabwe abethekelela kweleBotswana bakhonona ngokukhwathazwa ngabomthetho endleleni besithi badinga imali kanye lamatshe aligugu.
Izethekeli zikhala ngokuthi imali ezivunyelwa ukuthi ziphume layo kweleZimbabwe, inkulungwane ezinhlanu zamadollar $5000 inluntshwane kakhulu.
Inengi lithi ukuya kweleBotswana ungena ngomgcele wePlumtree akuseyinto elula. Izihambi zikhala ngokuthi abomthetho, abagoqela amapholisa kanye labogatsha lwe Zimbabwe Revenue Authority iZIMRA babathwalise amagabha avuzayo ngokubakhuthuza.
UMnunzana Sipho Sikhosana uthi ukukhwathazwa lokhu sekudala ukuthi baphuze lapho abayabe besiya khona.
UMartin Ngwenya esePlumtree usethulela loludaba.