Izizalwane zeZimbabwe ezilikhulu lamatshumi amathathu ezisebenzela enye inkampani yokwakha kwele South Africa, sezibhekane lokuphindiselwa ekhaya zingatholanga iholo ngemva kokuba esinye isiphathamandla saleyo nkampani sibaleke lomholo wazo sayabamangalela emapholiseni.
Ngemva kokusebenza gadalala okwenyanga yonke enkampanini yeNational Building Construction Company ese-Longmeadow eJohannesburg, abakhayo laba bathe nxa sebefuna iholo labo obebakhokhela uNicko Ramatsebe oyisizalwane sakwele South Africa wangena phansi okomswenya wayavumbuluka esehamba lamapholisa.
UNicko ubikwa ebikele amapholisa ukuthi abeZimbabwe labo baselizweni okungekho emthethweni njalo bamlande ngemihedla lezagila bethi bafuna iholo labo.
UBenedict Nhlapho usipha loludaba eseJohannesburg kwele South Africa.