Inhlanganiso yabalimi kweleBotswana ithi uhulumende kwakumele akhange abalimi abamhlophe abathathelwa amapulazi nguhulumende kaMongameli Robert Mugabe. Inengi elisebenza emapulazini kweleBotswana livumelana lalomqondo.
Abalimi kweleBotswana bathi uhulumende weBotswana waduba ngokudonsa inyawo ngesikhathi kumele adinge indlela zokubisa abalimi abamhlophe bevela eZimbabwe.
Abalimi abansundu bathi isigaba sokulima kweleBotswana sesibuyele emuva kakhulu ngakho ulwazi lwabamhlophe abaxotshwa KweleZimbabwe lwaluzakuba lusizo.
Inengi labadabuka eZimbabwe besebenza emapulazini kweleBotswana bathi ukubuya kwabamhlophe kwakungathuthukisa ezokulima.
UMnunzana Jeremiah Sibanda usebenza epulazini eTuli Block, uthi ukulima akufanani lemuva eZimbabwe ngesikhathi abelungu besesekhona. Inthathelizindaba yethu uMartin Ngwenya oseBotswana usethulela lolu daba.