amalinks wokungena

Breaking News

Amacele Womabili eMDC Athi Azaqhubeka Ephikisa Umbuso Okhona Lanxa Ebhaxabulwe Ngamapholisa


Iziphathamandla zecele leMDC elikhokhelwa nguMnu Morgan Tsvangirai ezibotshwe ngoMgqibelo langeSonto kazisasiwanga emthethwandaba lamuhla ngoba umtshutshisi ethe ufuna amapholisa aze lobunye ubufakazi.

Ababotshiweyo laba bagoqela unobhala jikelele, uTendai Biti lomela iHarare West edaleni lephalamende, uMnu. Paul Madzore betheswa icala lokuqoqa ukutshengisela okwenzakale ngoLwesihlanu.

Umsekeli kamongameli walelicele, uNkosazana Thokozani Khuphe, utshele uChris Gande weStudio 7 ukuthi lanxa amapholisa ecithe umhlangano wabo wangoMgqibelo bazaqhubeka belokhu betshengisela.

Kolunye udaba oluhambelana lalolu, amapholisa abikwa evimbe umhlangano obe umele wenziwe koBulawayo ukhokhelwa ngumongameli welinye lamacele eMDC, uMnumzana Arthur mutambara.

Kubikwa kutshaywe abantu abambalwa kwabotshwa abahlanu kodwa bakhululwa ngemva kokuhlawuliswa imali yokuvuma icala.

UChris Gande weStudio 7 uxoxe lomsekeli wesikhulumi salelicele, uMnu Abednico Bhebhe.

Ezinye izindaba zeStudio 7 ...

XS
SM
MD
LG