amalinks wokungena

Breaking News

Amacele Omabili E MDC Avumelana Ukuthi Ukivinjwa Kwemihlangano Yama Rally Kuqondiswe Kiwo


Ngemva kodlakela olubekhona emzini we Highfields edolobheni le Harare ngempelasonto edluleyo amapholisa abikwa esethule isaziso sokuvimba imihlangano yama rally leminye imibuthano okwenyanga ezintathu ezilandelayo,edolobheni leli.

Kodwa amacele omabili e MDC ayavumelana ukuthi udaba lolu luqondane labo njengoba udlakela lolu luqamuke u Mnumzana Morgan Tsvangirai efuna ukwenza i rally enkhundleni ye Gwanzura Stadium.

U Nkosazana Jessie Majome umsekeli kanobhala obona ngezemithetho kucele le MDC elikhokhelwa ngu Tsvangirai uthi phansi komthetho we POSA amapholisa ayenelisa ukuvimba imihlangano yama rally okwenyanga eyodwa kuphela, ngakhoke bona kucele labo selicabange ukukhweza loludaba emthethwandaba.

Umsekeli wesikhulumi secele elikhokhelwa ngu Mnumzana Arthur Mutambara, u Mnumzana Abednico Bhebhe utshele u Brenda Moyo we Studio 7 ukuthi abasoze bekele ukuhlangana labasekeli babo, njalo bengasoze bavumele ukuhlukuluzwa yi ZANU PF.

Ezinye Indaba Ze Studio 7..

XS
SM
MD
LG