amalinks wokungena

Breaking News

Abasekeli beqembu lenguqu eleHighlanders baqubeka besola ukudlala kweqembu labo


Abalandeli beqembu lenguqu ele Highlanders balemibuzo phezu kokungadlali kwabadlali abathenjiweyo kumaviki amabili edluleyo khona kulomdlalo onzima lentshantshu zezwekazi le Africa iqembu le Al Ahly.

Abaqeqetshi beqembu le Highlanders bamangalise uzulu olandela umdlalo kanobhutshuzwayo ngokuphinda betshiye phandle abadlali abayibo abathenjiweyo kuleliqembu emdlalweni wayizolo owehlandla lesibili lenkezo ye Nestle Charity Shield obusenkundleni yasemagumeni wona ophele zingutshiki lobhanqa kuliqanda nhla zombili okudale ukuba i Mwana Africa iphakamise linkezo ngemva kokunqoba ngemiklomelo emithathu kungela mpendulo kuhlandla lakuqala.

Imidlalo ye Basketball yokudinga amaqembu azaphatheka emidlalweni yalonyaka eye All Africa Games iqale lamhla esigodlweni i Harare kulamaqembu alitshumi aphuma emazweni amahlanu akhankasela ukuyamela isigaba se Zansi Africa emidlalweni ezaqhutshelwa kwele Algeria.

Umqeqetshiu weqembu elimela isizwe emdlalweni kakhilikithi u Kevin Curran uthi iqembu lakuleli lilakho ukwenza izimanga emidlalweni yezizwe zomhlaba ekhona ngenyanga ezayo e West Indies ngoba leliqembu likhangelelwa njengo mthatshuzwa athi kuzenza abadlali bakhe badlale bengela okubasindayo ngoba kungela ozabe ekhangelele ukuba banganqoba.

Intathelizindaba yethu yezemidlalo u Joseph Njanji usipha loludaba.

Ezinye indaba ngesiNdebele...

XS
SM
MD
LG