amalinks wokungena

Breaking News

Elinye Icele Le MDC Liphikisa Impumela Yokhetho Lwe Bulilima Emthethwandaba


Icele le MDC elikhokhelwa nguMnumzana Arthur Mutambara lithi selikhweze udaba lokuphikisa impumela yokhetho lukakhansila ka ward 5 e Bulilima, eMatabeleland South emthethwandaba.

Onqobe kulolukhetho ngunkosikazi Ntombiyakhe Ndlovu, owe ZANU PF, enqoba uMnumzana Denson Ngwenya owe MDC ekhokhelwa nguMutambara ngoba elikhokhelwa nguMnumzana Morgan Tsvangirai lingaphathekanga kulolukhetho.

Omela iBulilima edaleni lephalamende, uMnumzana Moses Mzila Ndlovu utshele u Sithandekile Mhlanga we Studio7 ukuthi abakudinga emthethwandaba kugoqela ukuvimba uNkosikazi Ndlovu ukuthi engabi ngukhansila ngoba enganqobanga ngokusemthethweni.

Ezinye indaba ze Studio7…

XS
SM
MD
LG