Izizalwane zeZimbabwe zithi ziyamukela inyathela lokuthi abangenana kweleBotswana bangasathelwa imvubu. Abatholakala besephula umthetho sebevalelwa andubana babuyiselwe emazweni abo.
Uhulumende weBotswana kukhanya eselalele izikhalo zamanye amazwe wokuthi amise ukujezisa ngokuthela imvubu. Lokhu kulandela ukumiswa kokuthela imvubu kwalabo abangena eBotswana okungekho emthethweni. Noma nje kungazange kukhitshwe umbiko nguhulumende weBotswana, ukuthela imvubu sekumile.
Lokhu kwamukelwe ngenjabulo yizizalwane zeZimbabwe, abanye abaseke bathwelwa imvubu ngenxa yokudala amacala eBotswana.
UMartin Ngwenya usethulela loludaba.