Abenhlanganiso yeNational Constitutional Assembly (nca) ekhankasela ukulotshwa kwesisekelo sombuso esitsha lamuhla batshengisele endaweni ezinengi zelizwe. Kubotshwe abeNCA abangamatshumi athoba minwe mbili eHarare , Masvingo leMutare abakade betshengisela.
KoBulawayo khona batshengisele kwangabikhona obotshiweyo, kodwa amapholisa ebesedinga abakade betshengisela laba ngokuya kwelanga. Amalunga eNCA la atshengisele esuka eStanley Square eMakhokhoba ayachitheka sengenile phakathi kwedolobho. Esenza lokhu bekungelangitsho lepholisa ebeliseduzane, kumbe ebelinanzelela okwenzakalayo.
Kodwa ngesikhatshana nje esifitshane ngemva kokutshengisela kwabo, amapholisa omvikela abonakale esebhodabhoda ngedolobha ehlome ephelele esethungatha umzila wabatshengiseleyo laba. INCA ibitshengisela phezu kodaba lokuvinjwa kwemihlangano yezombusazwe kanye lamaRally eHarare lakwezinye indawo lapho abamabandla aphikisayo aliswe khona ukwenza imihlangano kumaviki edluleyo.
UBabongile Dlamini usethule lolu daba.