Ingwethi zombusazwe zithi umumo oselizweni ngalesisikhathi ulakho ukuba lithuba elihle lokuthi uzulu aphakame avukele uhulumende, kodwa akulankokheli eqinileyo. Ukuwa komnotho welizwe, ukuqonga kwentengo yezinto, ukungabuswa kuhle nje kwelizwe , ukwephulwa kwelungelo loluntu, ngokunye osokutshiye uzulu e thukuthele kuvezwa sobala yikukhalala umsebenzi kwezinye izisebenzi lokuvungama lokuxokozela kunhlanganiso ezizimeleyo ezifana le National Constitutional Assembly i NCA.
Ingcwethi kwezombusazwe efundisa e Colorado College ,u Mnumzana Solomon Nkiwane utshele u Brenda Moyo we Studio 7 ukuthi umumo ose Zimbabwe uyadanisa kakhulu kulabo abawuzwa besemazweni ngoba bengenelisi ukuncedisa ukukhulula imuli ye Zimbabwe ebunzimeni lobu.