Inhlanganiso eoba ngelungelo labathengi eye Consumer Council of Zimbabwe i CCZ ithi iyethuswe kakhulu yikuqonga kwendleko yokuphilisa imuli elabantu abayisithupha esiqonge isuka kunkulungwane ezingamakhulu phose amahlanu, i $485, 986 ngoZibandlela isiya kunkulungwane ezingamakhulu phose ayisikhombisa, i $686,115 njalo iqonge ngesilinganiso sokungamatshumi phose amahlanu i 49.5%.
Inengi lithi okudanisayo yikuthi ukuqonga kwenani lemali le akuhambelani ngitsho leholo elitholwa yizisebenzi lona elilokhe liphansi.
Umnumzana Comfort Muchekeza isikhulumi se CCZ uchasisela u Brenda Moyo we Studio 7 imbangela yokuqonga kwalindleko.
Kunjalo nje inengi liyakhala lihlaba umkhosi ngokuqonga kwentengo lobunzima nje bempilo elizweni.
UMnumzana Mthunzi Khumalo isakhamuzi se Nkulumane ko Bulawayo utshele uBrenda Moyo owe Studio 7 ukuthi, yena iholo lakhe ngenyanga aliyi landawo ngoba lingeneli yona imbadalo yokugada imitshova esiya lokuvela emsebenzini esithi abanengi sebephila ngomusa weNkosi.