Laloba ilizwe libhekane lendubeko ezinengi ezigoqela ukubhidlika komnotho, ukungabuswa kuhle kwalo, lezinye ezinengi abesigaba se Mandebeleni bathi phezu kwalezinhlupho lesisigaba siphinde sibhekane lezinye inhlupho ezigoqela ukubandlululwa ngababusayo,ukubulawelwa izihlobo ngesikhathi se gukurahundi,lezinye ezinengi.
Kuminyaka edluleyo sibone kubunjwa inhlanganiso ezigoqela i ZAPU FP, labo Mthwakazi Peoples Congress ezilwela ukuthi ama Ndebele azibuse. Nyakenye kubunjwe eyinye ethiwa u Mhlahlo. Okunengi ngalinhlanganiso,lekumeleyo asikuzweni kungxoxo eyenziwe ngu Brenda Moyo we Studio7 lo Mnumzana Joshua Mhambi olilunga layo.