Inhlanganiso ezimeleyo ehlolisisa okwenzakala emazweni alenhlupho ezehlukeneyo emhlabeni jikelele, eye International Crisis Group- ICG, yethule umbiko othi umumo oselizweni le Zimbabwe ngalesisikhathi ulakho ukufika esibangeni esibi nxa u Mongameli Robert Mugabe engaqhubeka ebusa. I ICG ithi ngakhoke leli lithuba elihle lokuthi u Mongameli Mugabe asuke esikhundleni, kulotshwe isisekelo sombuso esitsha, anduba kwenziwe ukhetho olukhululekileyo.
U Mnumzana Gorden Moyo, ingcwethi ecubungula ezombusazwe,uthi inhlolisiso ye ICG le iletha umqondo omuhle njalo sokungu mlandu wenhlanganiso ezigoqela i SADC,I United Nations lezinye ukuba ngumlamulankunzi kudaba lwe Zimbabwe.
