amalinks wokungena

Breaking News

Kubotshwa izifundi ezingamatshumi amabili ekholitshini lababalisi koBulawayo


Kulezifundi ezingamatshumi amabili zekholitshini yokufundela ububalisi eye Hillside Teachers College koBulawayo ezibotshwe lamhlanje zisetheswa umlandu wokutshotshozela ezinye izifundi ukuthi zikhalale izifundo.

Inhlanganiso yezifundi eye ZINASU ibikwa ibizele ukukhalalwa kwezifundo kusukisela izolo ekholitshinile. Izifundi zifunga ukuthi kaziyi kubuyela ezifundweni uhulumende aze athathe amanyathelo okulungisisa umumo wezinto elizweni olokhe uqubekela phambili uwonakala ikakhulu kuhlangothi lwezemfundo.

Ababotshiweyo abavalelwe enkambeni yamapholisa eye Hillside, bagoqela unobhala jikelele we ZINASU uBeloved Chiweshe, umkhokheli wenhlanganiso yezifundi ze Hillside Teachers College, uTafadzwa Chengewa, uSimbarashe Mkwambo uTrust Nhubu lezinye izifundi. Elinye ilunga njalo leZINASU elifunda eUnited College of Education uCosmas Gwature laye uthethwe ngamapholisa eUnited College.

Kunjalo nje ubunzima obubhekane labafundi bemakholitshini bubikwa sobubangela ukuthi abanye babo bacine sebesenza imisebenzi engekho emthethweni ukuthi baziphilise njalo bathole imali yendleko yemfundo.

U-Lloyd Nyoni ongomunye wabafunda ekholitshini leNust koBulawayo usetholakala ezitaladeni zako Bulawayo equba umsebenzi wokuthenga lokuthengisa imali yakwamanye amazwe. Uthi le yiyo yodwa indlela aseyitholile engamphathisa ngesikhathi ikolitshi afunda kilo ele Nust lingakavulwa ababalisi bekhalele umsebenzi ngoba befuna ukwengezelelwa iholo.

Intathelizindaba yethu umasautso banda isethulela loludaba…

Ezinye indaba ngesiNdebele...

XS
SM
MD
LG