Umthethwandaba obu mele uhlale uthonise inkhokheli yamabandla aphikisayo lenhlanganiso ezilwela ilungelo loluntu ebotshwe ngeSonto yatshaywa kakubi awusahlalanga ngoba kukunengi obe kungalungalungelanga ukuthi uhlale.
Lumthethwandaba wehlulekile ukuhlala ngoba amapolisa abikwa ehlulekile ukuvela edale lika mantshi e Harare lamhlanje lapho ebemele ahlangane lamalunga omanyano we Save Zimbabwe Campagn abotshwe ngeSonto emzini we Highfield kuleli dolobho.
Amagqwetha amela amalunga la o Mbidzo Muchadehama and Makoni athi amalunga la akhululwe ngesingqumo se dale laphezulu ele High Court izolo abekwa ezandleni zamagwetha awo. Amapolisa ahle azisa amagqwetha la ukuthi bahlangane edale lika mantshi e Rotten Row belenjongo eyokucela ukuthi bengakhululwa njalo bathoniswe bevalelwe.
Idale alisahlangananga ukuze lizwe loludaba njengoba amagqwetha la ehle akhalala ngoba amapolisa labatshutshisi behluleke ukubetha icala eletheswa amalunga la elikhanyayo kwenza ukuthi amalunga la adluliselwe ezibhedlela.
Elinye lala magwetha u Mnu Daniel Mbidzo uthi okwamanje belatshwa kakuhle ezibhedlela njalo kakukhangelelwi ukuthi bangaphinda bamiswe phambi komthethwandaba.
U Mark Peter Nthambe usethulela lolu daba.