Icele le MDC, elikhokhelwa nguMnumzana Morgan Tsvangirai ebe lilungiselela ukungcwaba umuyi uMnumzana Gift Tandare odutshulwe ngamapholisa wafa liyalandula imbiko ephuma kumaphephandaba ka hulumende ethi imuli kamuyi ivumile ukuthi abekwe ngempelansonto kibo e Mt Darwin lisithi imuli le ibanjwe ngamandla ukukwenza lokhu.
Ibandla leli lithi selincedisa imuli kamuyi ukuthi ikhweze lolu daba emthethwandaba idinga ukuthi umuyi angcwatshwe kutsha, ngendlela efunwa yimuli yakhe elenhlonipho hatshi lokhu okwenzakeleyo.
Umuyi udutshulwe ngamapholisa eHarare kungxabangxoza ebe khona ngempelansonto ephambi kwale esiphuma kiyo kucatshangelwa ukuthi ibandla elibusayo belisesaba ukuthi kungaba lomvukela nxa ebengangcwatshwa eHarare.
uMgcinisihlalo wabatsha kulelibandla, uThamsanqa Mahlangu uchasisa okunengi ngaloludaba kungxoxo ayenze lo Sithandekile Mhlanga we studio7.