amalinks wokungena

Breaking News

Abe MDC Batshengisela eBhilithani Lase SA


Amalunga ebandla ecele le MDC elikhokhelwa nguMnumzana Morgan Tsvangirai e Shefield kwele United Kingdom abotshiwe lamuhla etshengisela esola ukubotshwa lokuhlukuluzwa kwamalunga omanyano we Save Zimbabwe Campaign, agoqela inkokheli lamalunga e MDC.

Isiphathamandla salelibandla, uMnumzana Julius Sayi Dewa utshele i studio7 ukuthi ababotshiweyo bebe lo gwalo abakade belusa emahofisini e Embassy ye Zimbabwe njalo bafika bahlala phakathi kwehofisi le bedinga ukukhuluma leziphathamandla zelizwe. Uthi loba nje ukutshengisela lokhu bekungeladlakela, amapholisa aphange abopha laba bantu, abagoqela abesilisa abayisikhombisa, labesifazane abathathu, ngoba esithi bahlale endaweni le ngokungekho emthethweni.

Ngesikhathi istudio 7 isiya emoyeni, uDewa uthe lokhu bezama ukukhupha amalunga abo esitokisini samapholisa sona esibucwadlana le Embassy ye Zimbabwe.

Kwele South Africa, amalunga eMDC lawo atshengisele lamuhla ezigabeni ezitshiyeneyo, ezigoqela iKwaZulu Natal le Eastern Cape ngodaba olufanayo.

USithandekile Mhlanga we studio seven ukhulume lengcwethi ecubungula ezombusazwe, uMnumzana Mathula Lusinga, ukuze sizwe imbono yakhe ngokuthi izizalwane ze Zimbabwe ezikwamanye amazwe zingawuguqula na umumo oselizweni ngokutshengisela zingaphandle kwelizwe.

Ezinye indaba ze studio7…

XS
SM
MD
LG