Abalandeli bomdlalo wenguqu bathi bekungamelanga ukuba ukaputeni weqembu lama Warriors u Benjani Mwaruwari lowayephethe leso sikhundla phambi kwakhe u Peter Ndlovu badlale izolo emdlalweni weqembu lakuleli lele Morocco ngemva kokuxabana kwabo ngolwesine olwedluleyo.
Ukungezwani okubikwa kubekhona phakathi kuka Peter Ndlovu lo Benjani Mwaruwari bekuyindaba esegudwini ngempelaviki njalo inengi labalandela umdlalo kanobhutshuzwayo belikhangelele ukuba laba badlali abasoze baphatheke emdlalweni wama Warriors lama Atlas Lions ase Morocco ngemva kwalesi sehlakalo.
Emdlalweni we CBZ Premier Soccer League obukhona ngempelaviki i Mwana Africa le Shooting Stars zibe ngutshiki lobhanqa 1 ka 1.
Intathelizindaba yethu yezemidlalo u Joseph Njanji usipha lezi ndaba zomdlalo.