Amapholisa alokhe eqhubeka esala ukulandela isinqumo somthethwandaba we High Court sokuthi avumele amagqwetha ukuthi abonane lamalunga ecele le MDC elikhokhelwa ngu Mnumzana Morgan Tsvangirai, ababotshiweyo, lokuthi baphange basiwe emthethwandaba. Inengi labantu laba bathethwe ngamapholisa lama CIO emizini yabo kusukela ngobusuku bangolwesibili.
Umsekeli kamgcinisihlalo wecele le MDC elikhokhelwa ngu Mnumzana Tsvangirai, uMnumzana Lovemore Moyo uthi inengi labantu ababotshiweyo batshaywe balimala kakubi ngakhoke amagqwetha alokhe elwisa ukuthi abalimeleyo bavunyelwe ukuya kwelatshwa.
