amalinks wokungena

Breaking News

Isinqumo se SADC Sisolwa Ngabanengi


Kulandela umhlangano wenkokheli yamazwe akuzansi yezwekazi le Africa, iSADC izolo, unobhala jikelele wecele le MDC elikhokhelwa nguMnumzana Arthur Mutambara, uMnumzana Welshman Ncube uthi umhlangano lo umkhuzile uMongameli Mugabe ngoba lokhu ngokwakuqala ukuthi yenze isinqumo sokuthi kube lomlamlankunzi elizweni.

Lumhlangano, uvumelene ukuthi uMongameli Thabo Mbeki we South Africa abe ngumlamlankunzi phakathi kwebandla elibusayo lamabandla aphikisayo njalo amazwe aphetsheya akhuphe izijeziso azethesa ilizwe. EleBhilithane likhuthazwe ukuthi ligcwalise izithembiso zalo zokuncedisa ngemali uhlelo lokwabiwa kutsha komhlabathi.

UNcube uchasisele uSithandekile Mhlanga weStudio 7 ukuthi kungani ecabanga ukuthi umhlangano lo unuke santungwana kwelezimbabwe kulingxoxo.

Kudaba olufanayo, uMfundisi Lucky Moyo isiphathamandla se Christian Alliance, eyiyo eqoqa umbuthano we Save Zimbabwe Campaign, utshele uSithandekile Mhlanga weStudio 7 ukuthi kungenzeka ukuthi uMugabe ukhuziwe zinkokheli zamazwe eSADC kodwa abasakukhuphanga embikweni ethulwe ngemva kwalo umhlangano, njalo kakho umuntu nje ozabakwazi konke okuhluziweyo.

Ezinye indaba zestudio7...

XS
SM
MD
LG