amalinks wokungena

Breaking News

IZANU PF Ikhetha UMugabe Ukuthi ame Kukhetho


Idale elibona ngokuqutshwa komsebenzi ebandleni leZANU PF, iCentral Committee, lamuhla ligcizelele isifiso salo sokuba uMongameli Mugabe amele lelibandla kukhetho ngomnyaka ozayo.

Lelidale liqede umhlangano walo ntambama lamuhla esigodlweni, eHarare, lapho elingatintanga udaba lokumanyaniswa ukhetho lokuding amalunga edale ephalamende, uMongameli lamalunga edale leSenate ukuze kwenziwe ngomnyaka ozayo.

Uqalisa lumhlangano emini umongameli Mugabe ubikwa edle amahabulo efuna ukwazi ukuthi ngubani oveze okukhulunywe emhlanganweni wedale elimqoka, ipolitburo izolo. Amaphephandaba azimeleyo lemisakazo egoqela wona lo, izolo akhuphe okwenzakale kulelidale.

Abazi ngokwenzakale kulumhlangano batshele iStudio 7 ukuthi omela iZimbabwe eSouth Africa, uMnumzana Simon Khaya Moyo nguye owazama ukuqala udaba lokuthi kukhulunywe ukuba ngubani ozamele iZANU PF kukhetho lokudinga umongameli njalo nini.

Kodwa yena umugabe ubikwa ehle wathi loludaba kalusiyo ndikimba yomhlangano. Ingcwethi ecubungula ezombusazwe, uMnumzana Jethro Mpofu, utshele uChris Gande weStudio 7 imbono yakhe ngodaba lolu.

Ezinye indaba zestudio7...

XS
SM
MD
LG