Laloba abamanye amabandla ezombusazwe lozulu we Zimbabwe belethemba lokuthi u Mongameli Thabo Mbeki wele South Africa kukhona azakwenza ukulungisisa umumo ose Zimbabwe, ngemva kokuqanjwa yinhlanganiso ye SADC ukuthi abe ngumlamulankunzi, ezinye ingcwethi zombusazwe zithi u Mbeki kalandaba lohlupho oluse Zimbabwe, ngoba lungaphazamisi umbuso wakhe.
Eyinye yalezingcwethi, u sikwicamfundo Eliakim Sibanda ofundisa e University of Winnipeg e Canada, uthi lanxa u Mbeki ebona ukuthi inotho yelizwe lakhe ayiphazanyiswa ngumumo ose Zimbabwe okwamanje kodwa udaba lomcintiswano wenguqu ye World Cup edlalelwa e South Africa ngo 2010 izamenza aphakame.