amalinks wokungena

Breaking News

Uhulumende weSouth Africa Uthi Useqalisile Ukukhumisa Umlotha UMongameli Mugabe Labamphikisayo


Kulandela isinqumo esenziwe yinkokheli yomanyano wamazwe awe zansi ye Africa i SADC esokuthi u Mongameli Thabo Mbeki we South Africa kube nguye umlamlankunzi kungxabangxoza eselizweni, uhulumende walelo lizwe uthi sekhulumisane lamacele womabili ebandla le MDC kanye lebandla le ZANU PF ngendlela yokulungisisa umumo oselizweni.

Isikhulumi sika mongameli Thabo Mbeki, uMnumzana Mukuni Rashitanga utshele iStudio 7 ukuthi ekukhulumisaneni kwabo lamabandla la, ulethemba lokuthi kuzaba lobubelo ngoba wonke evuma ukuthi kulohlupho okumele lulungiswe eZimbabwe. Uthe kangeke atsho ukuthi ukukhulumisana lokhu kuzaphela nini kodwa ulethemba lokuthi kuzaphela masinyane khona amabandla wonke azakhankasela ukhetho ekhululekile.

Isiphathamandla se SADC, uMnumzana Thomaz Salomao othunywe ngumanyano lo ukuthi ayekhangelisise umumo womnotho elizweni ukhangelelwe ukufika lamuhla e Harare. Kunjalo-nje, umphathintambo wezokwethulwa kwembiko, uMnumzana Sikhanyiso Ndlovu, utshele iStudio 7 ukuthi udaba lolu alulutsha, njalo kasoze akhulume okunengi ngalo ngoba luphakathi kwabo mongameli Mugabe lo Mbeki bobabili. Kodwa iziphathamandla ze MDC, okuyizo ezilungiselela lezi nkulumo kumacele womabili, abamnumzana Tendai Biti wecele elikhokhelwa nguMnumzana Morgan Tsvangirai lo Welshman Ncube wecele elikhokhelwa ngu Mnumzana Arthur Mutambara bathi base ugwalo lunye oluchasisa ukuthi kuyini abafuna kulungiswe.

UBiti uthi kalathemba lokuthi ibandla le ZANU PF lizaphathisa ekuthini inkulumo lezi ziphumelele ngoba livele lingathembeki. UNcube uchasisa osokwenzakele kungxoxo ayenze lo Sithandekile Mhlanga we studio 7.

Ezinye indaba ze studio7….

XS
SM
MD
LG