amalinks wokungena

Breaking News

I Zimbabwe Ivumela I South Africa Ukuvula Ihofisi Yomsakazo


Ingcwethi kwezokwethulwa kwemibiko zithi uhulumende we Zimbabwe usebandezelekile yikho esevumela abakwamanye amazwe ukuthi basakaze beselizweni. Lokhu kulandela imibiko ethi umsakazo we South African Broadcasting Corporation usuzavula ihofisi yokusakaza kwele Zimbabwe.

Imisakazo yakwele Zimbabwe ibika ukuthi umqondisi we SABC u Mnumzana Snuki Zikhalala wenze umhlangano lomphathintambo obona ngezokwethulwa kwemibiko u Mnumzana Sikhanyiso Ndlovu.U Zikhalala uthi izizalwane ze South Africa yizo ezizasebenza kule ihofisi wathi la ngamalungiselelo okuthi lumsakazo wethule indaba ezimayelana lokuqhutshwa kokhetho ngomnyaka ozayo. U Ndlovu laye ugcizelele ukuthi ukuza komsakazo we SABC kwele Zimbabwe ngeyinye Indlela yokuqinisa ubudlelwano phakathi kwamazwe la omabili.Kunjalo nje U Ndlovu wethule umbiko wokuthi uhulumende ukhangelele ukuvula omunye umsakazo we wailesi e Gweru ozaqalisa ukusakaza ilanga lokuthakazelela uzibuse lingakafiki,ozasakaza kuzinga lwe shortwave.

U Brenda Moyo we Studio 7 ukhulume lomnumzana Jethro Mpofu ingcwethi kwezokwethulwa kwemibiko efundisa e Zimbabwe Open University, othi umhlaba wonke usukhangele konke okwenzakala e Zimbabwe yikho uhulumende esevumela imisakazo efana le SABC ukuthi isakaze iselizweni.

Ezinye Indaba Ze Studio7..

XS
SM
MD
LG