amalinks wokungena

Breaking News

Ngemva Kokuphumelela Kombuthano Wango Mgqibelo, I Save Zimbabwe Campaign Isiqoqa Umdlalo Wezomculo Wokukhonza


Laloba amapholisa abengani afuna ukuvimba umthandazo oqoqwe ngumanyano we Save Zimbabwe Campaign ucine uqhubeka kakuhle kungela nkinga. amapholisa abikwa abesithi esabela ukuqhamuka kodlakela olunjengo lwenyanga edluleyo e Harare mhlaka 11 komunye umthandazo obuqoqwe yiyo i Save Zimbabwe Campaign, okucine kudutshulwa u Mnumzana Gift Tandare wahle wafa.

Njalo abesithi lo kakusimbuthano womthandazo njengoba bekunxuswe abamabandla aphikisayo ukuthi babe yizikhulumi emthandazweni lo. Abantu babikwa beze ngobunengi babo, njengokuchasisa kwesiphathamandla se Christian Alliance eyiyo eqoqa i Save Zimbabwe Campaign, umfundisi Useni Sibanda.

Kunjalo nje ezinye izikhulumi emthandazweni lo zigoqela umongameli welinye lamacele e MDC u Mnumzana Arthur Mutambara, umsekeli kamongameli welikhokhelwa ngu Mnumzana Morgan Tsvangirai, u Nkosazana Thokozani Khuphe, umkhokheli we ZAPU FP u Mnumzana Paul Siwela, labanye. U Siwela uchasisele uBrenda Moyo weStudio 7 ukuthi laloba imithandazo imihle, iqiniso elikhona yikuthi iyodwa kayisoze ilethe nguquko esimeni esise lizweni.

Ezinye Indaba Ze Studio7..

XS
SM
MD
LG