amalinks wokungena

Breaking News

IEurepean Union Yengezelela Amagama Abaphathintambo Bakahulumende WeZimbabwe Kuluhlu Lwezijeziso


Iziphathamandla zikahulumende ezinhlanu zibikwa sezengezelelwe kuluhlu lwezinye ezedlula ikhulu ezetheswa izijeziso zokuthi zingasavakatsheli emazweni akumanyano we European Union, ngenxa yokwephula ilungelo loluntu.

Abasemhlanganweni eBrussels lamuhla, babikwa besithi basalungisa uluhlu lwamabizo la njalo bazaludinda ngomvulo. Amalungiselelo e EU-Africa summit lokhu amiswa ngo 2003 ngoba eleBhilithane lamanye amazwe layala ukuya kule imihlangano nxa uMongameli uMugabe laye enxusiwe.

UMnumzana Dumisani Nkomo, ingcwethi ecubungula ezombusazwe uthi kulungile ukuthi iziphathamandla zikahulumende zethulelwe lezi zijjeziso ngoba kuzazikhuthaza ukuthi zilungise ingxabangxoza eselizweni.

Kunjalo nje, kunsukukwana ezisanda kwedlula uhulumende wesule isivumelwano sakhe lenhlanganiso yakwele melika i uSAID ebiphathisa ekuqhutshweni kwemisebenzi yama khomithi edale lepalamende.

Lokhu kulandela ukuvuma kukahulumende weMelika ukuthi uphathisa inhlanganiso ze Zimbabwe ezilwela umbuso okhululekileyo ngemali. Nanko usephinde wathi amalicence enhlanganiso ezizimeleyo asasebenzi ngoba lazo zicatshangelwa ukuthi zithola imali yakwamanye amazwe.

Omela iNkayi edale lepalamende, uMnumzana Abednico Bhebhe utshele uBrenda Moyo weStudio 7 ukuthi uhlelo lwephalamende le-USAD lolu luveza sobala ukuthi amazwe omhlaba awethesanga ele zimbabwe izijeziso zenotho kodwa kujeziswa u mugabe labanye bakhe abangasavunyelwa ukwethekelela lamazwe.

Ezinye izindaba zeStudio 7 …

XS
SM
MD
LG