amalinks wokungena

Breaking News

Yisisanasana eZimbabwe Laphetshaya Ngempelasonto Kusenziwa Imihlangano Yamacele eMDC


Icele leMDC elikhokhelwa nguMnumzana Morgan Tsvangirai lilemihlangano eyisitshiyangalombili ezigabeni ezitshiyeneyo zelizwe ngempelaviki, lapho okuyabe kukhulunywa ngendaba ezitshiyeneyo ezigoqela olwesisekelo sombuso, ukhetho lomnyaka ozayo kanye lengxabangxoza eselizweni, ekhangelelwe ukuthi ilungisiswe ngu Mongameli Thabo Mbeki wele South Africa.

Umsekeli kamgcinisihlalo webandla leli, uMnumzana Lovemore Moyo utshele uSithandekile Mhlanga weStudio 7 ukuthi ibandla lakhe lenze isinqumo sokuthi amalunga e National Executive yiwo azabe ekhuluma nxa kule mihlangano yaloluhlobo, njalo uchasisa okunengi ngembuthano yangempelaviki kulingxoxo ayenze loSithandekile Mhlanga weStudio 7.

Kunjalo nje, icele leMDC elikhokhelwa nguMnumnzana Arthur Mutambara kwele South Africa lizaba lomhlangano omkhulu kusasa eJohannesburg kukanti elikhokhelwa nguMnunzana Tsvangiari lalo lizaqhuba imihlangano emikhulu emibili yokukhetha inkokheli ePitoli lase Rasternburg. UBenedict Nhlapho usipha loludaba eseJohannesburg kwele South QAfrica.

Ezinye izindaba zeStudio 7 …

XS
SM
MD
LG