Iziphathamandla zecele le MDC elikhokhelwa nguMnumzana Morgan Tsvangirai, ezigoqela oMnumzana Morgan Komitshi lo Dennis Murira babikwa bethethwe ngamapholisa ngempelaviki njalo kusadingisiswa ukuthi bangaphi.
Lokhu kukhomba ukuqhubeka kokuhlukuluzwa kwamalunga alelibandla kanye lenhlanganiso ezisekelana lalo, ngesikhathi uzulu ekhangelele ukuthi kuzaba lokukhulumisana phakathi kwebandla elibusayo lamabandla aphikisayo, kulandela isinqumo esenziwe yiADC.
Ingcwethi ecubungula ezombusazwe njalo ebona ngokwethulwa kwemibiko koBulawayo kulelibandla, uMnumzana Felix Mafa utshele uSithandekile weStudio 7 ukuthi okwenziwa yi ZANU PF ukuhlukuluza uzulu liqinga lokwethusela amabandla aphikisayo ukuze esabe ukuphikisana layo.