Ibandla le MDC elikhokhelwa nguMnumzana Morgan Tsvangirai lithi belilemhlangano endaweni ezitshiyeneyo zelizwe likhankasela ukhetho oluzayo, njalo lihlafuna lokunye okunengi okuphathelene lezombusazwe.
Umgcinisihlalo wabatsha kulelibandla, uThamsanqa Mahlangu ongomunye weziphathamandla ezikhulume kumhlangano obuse Hwange uthi esinye sezizatho zokuba lomhlangano kulindawo ngesokuthi bekhuphe ukwesaba ebantwini kulandela ukuthunjwa kuka msekeli kamqoqi we bandla leli uMnumzana Morgan Komitshi, othunjwe endlini yakhe kulesisigaba kuviki ephelileyo.
UKomitshi ubikwa esebuhlungwini njalo kwesatshelwa impilo yakhe ngemva kwembiko yokuthi wabonakala ephuma igazi emlonyeni lemakhaleni. Amagqwetha akhe abikwa elwela ukuthi embone njalo elatshwe. UMahlangu uchasisela istudio7 okunengi ngomhlangano weHwange kulingxoxo.