Uzulu weZimbabwe kwele South Africa uhlanganyele ndawonye lozulu womzansi Africa emkhosini wokuthakazelela iminyaka elitshumi lantathu eleSouth Africa lithole inkululeko embusweni woncindezelo, kodwa yena ubekhonona esethesa uMongameli Robert Mugabe leZANU PF umlandu wokuntshontshela usapho lweZimbabwe inkululeko yalo.
UWilson Chitete le Orchestra Power Band bebeziqhunsa kulowo mkhosi bethi basopa mdala uzahlanyukelwa ngabantwabakho ngenxa yokungalaleli, kukanti imbongi uMthandazo Dube uthi koze kube nini amakhehla ekuwa umkhosi njengabesimame.
USindile Ngwenya uvumelana lenkondlo kaMusupi Dube, yena othi sikhathele ngokugalila inkululeko yemzini ngoba ibaba gamu, okwesihaqa.
UBenedict Nhlapho usipha loludaba eseJohannesburg kwele South Africa.