Iphephandaba le Herald libika ukuthi inkampani ka getsi, iZESA isizacitsha ugetsi nsukuzonke okwamahola angamatshumi kusukela ngo nine ebusuku kusiya ku five welanga elilandelayo ntambama.
Linkhampani, ithi lokhu ikwenza njengenyathelo lokuncedisa abalimi bengqoloyi yebusika, ukuthi bezuze ugetsi wokusebenzisa. Kodwa obona ngezemigodi, eZokwethekelelwa kwelizwe, eZemvelo kanye Lamandla kagetsi kucele le MDC elikhokhelwa nguMnumzana Morgan Tsvangirai, uMnumzana Joel Gabhuza uthi ugetsi odingakala ekulimeni ingqoloyi le incinyane kakhulu ngakho uhulumende engabe ephongucatsha ngomunwe nje, ngoba engasenelisi ukunika abantu igetsi eneleyo.
Kunjalo nje unkosikazi Jane Ndlovu, isakhamuzi se Sizinda ko Bulawayo, uthi inyathela le zesa leli lingenza umumo ube mubi kakhulu ngoba sikhuluma nje, igetsi icitshwa mahlayana nje ngakho babhekana lobunzima obukhulu nxa sekumele bepheke kumbe bekhanyise ezindlini.