Intsha yenhlanganiso ye National Constitutional Assembly, i NCA, edlula ikhulu lengxenye, itshengisele lamuhla eHarare, isithi ikhuthaza uhulumende ukuthi aguqule isisekelo sombuso, ukuze ingxabangxoza eselizweni iphele.
Intsha le ithi itshengisele isuka e Unit Square maqondana lephalamende isiya e mahofisini ephephandaba le Herald, lapho amapholisa ohlobo lwe riot ebachithachithe khona.
Umgcinisihlalo wabatsha koBulawayo kulinhlanganiso, uXolani Siziba obephakathi kwalokhu kutshengisela utshele uSithandekile Mhlanga we studio7 ukuthi uhlelo lwabo luphumelele ngoba amapholisa abaxotshe sebevele sebeqedile umsebenzi wabo njalo ngesikhathi santamba bekungelangitsho loyedwa wabo obotshiweyo.