amalinks wokungena

Breaking News

Ukwakhiwa Kwesigodlo Semandebeleni ELupane Sekumile


Iziphathamandla zikahulumende eze mandebeleni zibikwa sezivuma ukuthi imizamo yokuthuthukisa ilupane ukuthi ibe yisigodlo salesisigaba iyehlula.

Usibalukhulu we matabeleland north, uNkosikazi Sithokozile Mathuthu ubikwa esithi inhlelo ezinengi seziyekelwe ngoba kungelamali. Inhlelo lezi zigoqela ukwakhiwa kwesibhedlela, ihofisi enkulu ethiwa yi elitsheni complex, umgwaqo osuka ko Bulawayo usiya etsholotsho le damu uGwai-Shangani, okumele lilethe amanzi kulindawo.

UMathuthu ubikwa esithi imali yokuqhuba inhlelo lezi bayizuza mbijana-mbijana ngakho iyabe isiwile amandla bengakaqalisi ukwakha, njalo sebezazama ukuphutshisa uhlelo olulodwa, luphutshe, nxa beyizuza, kulokubamba mambande.

Kodwa iziphathamandla lezi zibikwa zisithi zilethemba lokuthi ukwakhiwa kwegwayi ghangani dam kungaqhubeka kuhle ngoba sekuqalisile.

Omela iLupane edaleni lephalamende, ekubandla le MDC elikhokhelwa nguMnumzana Arthur Mutambara, uMnumzana Njabuliso Mguni utshele uSithandekile Mhlanga we studio7 ukuthi kusobala emuntwini wonke ukuthi akulantuthuko esike yabakhona esigabeni sakhe.

Ezinye izindaba zeStudio 7 …

XS
SM
MD
LG