amalinks wokungena

Breaking News

UMnumzana Roy Bennet Unikwa Imvumo Yokuphephela Kwele South Africa


Ibandla leMDC kwele South Africa kanye lozulu jikelele sebencome uhulumende weSouth Africa ngokupha imvumo yokuphephela kwenye yenkokheli zeMDC uMnumnzana Roy Bennet besithi lokhu kukhomba ukuthi lelo lizwe liyazwisisa ulunya lukahulumende weZimbabwe phezu kwabantu bakhe.

AmaZimbabwe athi kuyajabulisa ukuthi uhulumende wakwele South Africa, obekhanya engavumi ukuthi kulokuhlukunyezwa kwezizalwane zeZimbabwe, nguhulumende, usevuma ukuthi inkinga ikhona. UMnumzana Roy Bennet ongumgciningcebo webandla leMDC elikhokhelwa nguMnumnzana Morgan Tsvangiari ucine esephiwe imvumo yokudinga ukuphephela kwele South Africa, kulandela ukuncitshwa kwakhe leyo mvumo nyakenye.

Udaba lokuncitshwa kukaBennet imvumo yokuphephele kwele South Africa luvuse omkhulu umsindo nyakenye kwaze kwangenela amagqwetha abona ngezamalungelo oluntu. Ngemva kokuthola leyo mvumo okaBennet utshele ebezindaba ukuthi uze kwele South Africa ngoba ethemba ukuthi uhlupho lweZimbabwe ngolweAfrica ngakho ludinga isisombululo kuma Africa.

UBenedict Nhlapho usipha loludada eseJohannesburg kwele South Africa.

Ezinye Indaba ngesiNdebele...

XS
SM
MD
LG