amalinks wokungena

Breaking News

Icele LeMDC Lisungula Isikhwama Sokuphathisa Amalunga Alokhu Ebotshiwe


Inkokheli yecele le MDC elikhokhelwa nguMnumzana Morgan Tsvangirai, eye National Council lamuhla isungule umkhankaso we Free Them Now, odinga ukuphathisa amalunga ayo edlula amatshumi amathathu alokhu esesitokisini ngezinto ezitshiyeneyo.

Inkokheli le iphinde yahlangana lentathelizindaba lapho echaze okunengi ngamalunga ayo abotshiweyo, abikwa elimele ngoba atshaywa kakubi ngamapaholisa Kuvezwe njalo ukuthi icele leli lizazisa uMongameli Thabo Mbeki wele South Africa, yena owakhethwa ukuba ngumlamlankunzi kungxabangxoza ese Zimbabwe yinkokheli ye SADC, ngezibotshwa lezi njalo litshengisele lidinga ukukhululwa kwazo.

Owayengumsekeli kamgcinisihlalo kulelibandla, uMnumzana Lovemore Moyo, ukhethwe ukuba ngumgcinisihlalo kulumhlangano, isikhundla esaba khona kulandela ukubhubha kuka Mnumzana Isaac Matongo kunyanga edluleyo.

UMoyo utshele uSithandekile Mhlanga weStudio 7 ukuthi ngaphansi kokhankaso lo, kusungulwe isikhwama se Free Them Now Trust sokuncedisa izibotshwa kanye lemuli zazo ngemali.

Ezinye izindaba zestudio 7 …

XS
SM
MD
LG