amalinks wokungena

Breaking News

Amacele Omabili E MDC Ayavumelana Ukuthi Inhlanganiso Ye African Union Isivuma Ukuthi Kulohlupho E Zimbabwe


Namhlanje amazwe akuzwekwazi le Africa amanyane ekunanzeni iminyaka engamatshumi amane lane kwabunjwa inhlanganiso ye Organisation of African Unity i OAU, eyabunjelwa edolobheni le Adis Ababa kwele Ethiopia ngomnyaka ka 1963. Inhlanganiso le iguqule igama layo yaba yi African Union ngomnyaka ka 2002.

Kodwa kwele Zimbabwe ngaphandle komhlangano wezifundiswa ezivela kwamanye amazwe labameli bakwamanye amazwe e Zimbabwe owenziwe izolo e University of Zimbabwe bekukhanya kuthule zwi kungela okuqoqwe nguhulumende ukunanza lelilanga. Inengi litshone liziphumulele nje emakhaya, abanye beqhubeka bephandela imuli ngenxa yobunzima inengi elibhekane labo.

Amacele omabili e MDC ayavumelana ukuthi kukhanya sokusiba lenguquko ku AU ngodaba lwe Zimbabwe ngoba isivumile ukuthi kulohlupho olumele lulungisiswe masinyane, yavuma ukuthi i Zimbabwe isilihlazo kwamanye amazwe e africa. I Pan African Parliament layo ithi izathumela iqula kwele Zimbabwe ukuya hlolisisa umumo oselizweni.

Isikhulumi secele le MDC elikhokhelwa ngu Mnumzana Morgan Tsvangirai umnumzana Nelson Chamisa utshele i studio 7 ukuthi inhlanganiso ye AU ilokhe ibhekane lomlandu omkhulu wokuqeda ubuyanga emazweni la,ukuqeda izimpi lokulwisana ngehlobo, ukulwisana lomkhuhlane we aids, ukuthuthukisa inotho yamazwe la, wakhuthaza ukuthi abakhokheli bala mazwe bangaqakathekisi ukubambana kwabo bodwa njengabakhokheli kodwa baqakathekise ukubambanisa izizalwane zamazwe onke e Africa. U Chamisa uthi i AU ikhanya isilesifiso sokukhuthaza umbuso okhululekileyo emazweni angamalunga ayo.

U Brenda Moyo we Studio studio 7 ukhulume njalo lomsekeli wesikhulumi secele le MDC elikhokhelwa ngu Mnumzana Arthur Mutambara u Mnumzana Abednico Bhebhe ochasisa umbono webandla lakhe mayelana lalelilanga.

Ezinye Indaba Ze Studio7..

XS
SM
MD
LG