Amalunga ecele leMDC elikhokhelwa nguMnumzana Morgan Tsvangirai afika phose amakhulu amabili abebotshiwe ngomgqibelo akhululwe lamuhla.
Amalunga la, awogatsha lwabasakhulayo abavela eHarare leChitungwiza abikwa abesenza umhlangano lokhetho lokudinga inkokheli eze ebotshwe.
Amapholisa atshele iphephandaba leSunday Mail ngoMgqibelo ukuthi ababotshiweyo bacatshangelwa ukuthi bengabe beyibo abaphosela amabhomba epetulo endaweni ezitshiyeneyo elizweni.
Kodwa lamuhla baze bakhululwe amapholisa kawabethesenga cala lanxa abanye babikwa betshaywe kabuhlungu.
Umgcinisihlalo wecele leli, uMnu. Lovemore Moyo, utshele uChris Gande westudio seven okunengi ngaloludaba.