Laloba umphathintambo obona ngezemfundo esanda kwethula umbiko wokuthi izifundi ze O le A level zizakwenelisa ukubhala imihloliso yazo ngenyanga ka June inengi beselicabanga ukuthi imihloliso le kayisekho. Imihloliso le yandise ukubhalwa ekuqaleni kwenyanga ka June kodwa u Mnumzana Aeneas Chigwedere uthi isizakuba khona ekupheleni kuka June.
Lokhu sokutshiye abazali labantwana bengelaqiniso lokuthi kuyini sibili okwenzakala ngaloludaba. U Mnumzana Enock Paradzai obona ngokuqhutshwa kwenhlelo zenhlanganiso emela abababalisi i Progressive Teachers Union of Zimbabwe, i PTUZ esigabeni se Matebeleland, utshele u Brenda Moyo we Studio 7 ukuthi isikhathi sesisifitshane ukuthi izifundi zilungiselele imihloliso le.