Uhulumende ulokhe eqhubeka ebopha lokuhlukuluza inkokheli labasekeli bamabandla aphikisayo, labenhlanganiso ezizimeleyo ezilwela umbuso okhululekileyo e Zimbabwe. kodwa ingcwethi ezicubungula ezombusazwe zithi i ZANU PF isihle yaqalisa ukhlukuluza abantu ngesikhathi kulungiselelwa ukhetho lomnyaka ozayo ngoba ifuna ukwethusela uzulu.
Eyinye yalezi ngcwethi ngu Mnumzana George Mkhwananzi ongumesekeli kamgcinisihlalo wenhlanganiso elwela isisekelo sombuso esitsha i National Constitutional Assembly –NCA, othi i ZANU PF isebenzisa udlakela ngoba u Mongameli Robert Mugabe efuna ukuqhubeka egogodlele embusweni welizwe.
