amalinks wokungena

Breaking News

UMongameli Mugabe Uthi Kasoze Aguqule Isisekelo Sombuso


UMongameli Robert Mugabe ubikwa esithi akusoze kuguqulwe isisekelo sombuso elizweni ngoba lelinyathelo lifunwa libandla le MDC athi alilasekelo olunengi njalo alilandeli izifiso zabantu.

UMugabe ubikwa etsho la amazwi ebuzisiswa yintathelizindaba e United Kingdom. Amabandla aphikisayo kanye le nhlanganiso ezizimeleyo zikhankasela ukuthi kuguqulwe isisekelo sombuso kungakafiki ukhetho kumnyaka ozayo ukwenzela ukuthi ibandla elibusayo ele zanu pf lingaqilibezeli.

Umsekeli kanobhala jikelele kucele le MDC elikhokhelwa nguMnumzana Arthur Mutambara, uNkosikazi Priscilla Misihairambwi Mushonga, utshele uSithandekile Mhlanga weStudio 7 ukuthi amazwi ka Mongameli Mugabe awethusi ngoba uphongukuvala nje, yena esazi ukuthi udaba lokuguqulwa kwesisekelo sombuso ngolunye okufanele luhlafunwe lo Mongameli Thabo Mbeki wele South Africa.

Kunjalo nje, umsekeli kamgcinisihlalo wenhlanganiso edinga ukulotshwa kutsha kwesisekelo sombuso welizwe, iNational Constitutional Assembly, NCA, edinga ukulotshwa kutsha kwesisekelo sombuso, uMnumzana George Mkhwananzi utshele uSithandekile Mhlanga weStudio 7 ukuthi inhlanganiso yakhe isizavuthela ngamandla umkhankaso wokuthi kuguqulwe isisekelo esitsha sombuso ukunqabela uqilibezelo olunengi ekhethweni.

Ezinye izindaba zeStudio 7 …

XS
SM
MD
LG